Кафка : "Аливаа зүйлийг алдахаас айна гэдэг бол алдаад харамсахтай л адил..." 

       Өнөөдрийн энэ нийгэмд амьдарч буй зарим залуусын хайр дурлалд хандаж байгаа нэг муухай хандлага нь арай л хэтэрхий болсон мэт санагдана. Тэрнийгээ төрөлхийн зан характер, засаршгүй үзэл бодол бүр түүгээр ч зогсохгүй жинхэнэ дурлал хайрын нөхцөл байдал гэж тайлбарлана. Энэ нь хардалт... Дурлал хайрын тал дээр нээх их мэдлэг ,туршлага энэ тэр гэх зүйл байхгүй л дээ миний хувьд... гэхдээ амьдрал дээр зарим хосуудыг хараад байхад энэ хардалт гэдэг зүйлээс болж бие биенээ хайрлах битгий хэл зовоох нь их юм шиг санагдах юм. Андуураад ирсэн мэссеж нь хүртэл асуудал болж , анд нөхөддтэйгээ арав хорин хором ч уулзалдаж чадахгүй байгаа зарим охид бүсгүйчүүдийг харахад бас эмзэглэмээр... Нөгөө зовоодог хэд нь хайртай даа ингэж байна, төрөлхийн зан авир болохоор хэцүү байна гэх мэтчилэн аргадаж нэг , асаж нэг тайлбарлана. Даварсан бас тэнэг хэд нь эр хүнийхээ эр чадлыг эмэгтэй хүнд мэдрүүлэхээс ч буцахгүй. Уул нь ямар ч хүнд байх ёстой  итгэл найдвар гэдэг гэгээлэг зүйл энэ залууст баймаар ... Нөгөө "Өөрсдөө явдалтай хүмүүс их хартай байдаг" гэдэг үг үнэний ортой ч юм шиг. Бүхэл бүтэн амьд бие хүнийг бугуйн цаг шигээ л үзэж өмчлөх юм. Хүнийг хардаж өөрийгөө болон өрөөлийг зовоохоос илүү хүнд итгэж сайн сайхнаар нөхцөл байдлыг харах тийм ухамсар байддаггүй мэт. Эсвэл тэр дурлалт бүсгүйчүүл нь үнэхээр хүн итгэхийн арга байхгүй тийм хүмүүс байдаг юм бол уу? гэхдээ энэ бол мэдээж эргэлзээтэй буюу магадлал багатай зүйл. Би л лав хувьдаа тэгж хүний эрх чөлөөг хэрээс хэтэртэл боож, цаг мөч тутам асууж шалгааж байцааж, харсан харц болгоныг үзэн ядаж амьдарч чадахгүй... Ёстой л нөгөө "ГАРДУУЛБАЛ" ч юу юм гэхээс ямар ч баримт нотолгоогүй зүйлээс болж хүнийг хардахгүй. Хардахгүй ч гэж дээ нөхцөл байдлыг тайвнаар буюу хэл амаар учрыг нь олхыг илүүд үзэх байх. Угаасаа ч ер тийм байгаагүй, тийм зан характер зуршил ч байхгүй.

Хэдийгээр төрөлхийн зан чанар гэж тайлбар хийж болох ч миний хувьд хүмүүсийн ихэнх зан чанар олдмол байдаг гэдэгт итгэдэг. Ер нь бүр муу юмуу бүр сайн хүн төрнө гэдэг бас эргэлзээтэй. Эргэлзээтэй гэдэг нь тийм хүн төрөх магадлал бага хэмжээнд байна гэсэн үг. Гэхдээ л хүн өөрөө нийгэмшиж олны дотор амьдардаг болохоор ихэнх зан чанарууд орчин тойрноос хамааран олдмол шинжтэй гэж боддог. Тэгэхээр олдмол сайн сайн зан чанарууд хүн болгонд  бий болох боломжтой.

Яахав хувь хүний тал дээр бус макро төвшинд буюу нийгэм талаас харахад бас нийгмийн буруу байгаа мэт... Өнгө мөнгөөр бие сэтгэлээ худалдчихдаг охид хүүхнүүд бас нийгэмд тодорхой хэмжээнд бий... Бид үүнийг өдөр тутмын амьдралдаа харж мэдэрдэг. Улс орон ядуу буурайтай холбоотой биз...

Эцсийн эцэст өнгө мөнгө бол хүний зүрх сэтгэл, хайр дурлалаас ямагт 2-дугаарт байх ёстой. Залуусаа хайр дурлалын амтат бурмыг хардалт гэдэг гашуун амтгүйгээр мэдэрцгээе!