Өвлийн улиралд дуртай. Хүйтэн мэдрэмж сайхан. Хүсэж байна. Хүсэх гэдэг ойлголт хүн бидэнд л байдаг хойно... Утгатай болон утгагүй бүхнийг хүснэ - гэдэг энэ амьдрал гээчийн бас нэг чимэг мэт... Хүссэн чинь хяссан бол зүй тогтол... Авцалдаагүй бодол санаанууд. Нэг нэгнээсээ хамаараагүй авцалдахгүй өгүүлбэрүүд. Бидний бодол хүсэл үргэлж эмх цэгцгүй байхад бид эмх цэгцтэй бичих гэж бас амьдрах гэж хичээдэг нь сонирхолтой. Амьдралынхаа тал хувийг унтаж өнгөрөөх тавилан... Амрахдаа бус - адгууслаг мөн чанараа хадгалах гэсэн эрмэлзлэл -  унталт байх... Унтана гэдэг үг 2 утгыг илэрхийлдэг. Харин хүнд оноосон ганц нэрний цаана ямар нэгэн нөхцөл байдлаас шалтгалан ямар ч ааш авин гаргаж магадгүй маш олон хүн оршиж байдаг мэт... Сэтгэл хөдөлсөн үедээ түүнд зориулж хэлсэн үгэндээ бичсэн шүлгэндээ дараа нь харамсах тохиолдол гардаг. Харин ч тэр хүний хувьд Кафка ямар ч ач холбогдолгүй залуу байсан нь азтай хэрэг.. Дурлал хайр ч гэж хүнд хамгийн тааламжтай шаналалыг авчирдаг ... Таашаалтай зовлон. Энэ зовлонгоор сэтгэлээ тамлуулах таатай. Хүлээлт үүсчихсэн хүсэл тачаалын тааламжтай шаналалыг эрэгтэй хүн л илүү амтлана гэж би боддог. Гэхдээ юм бүхэн хугацаатай... 30 наснаас хойш дурлал гэж байхгүй. Үхэн хатан дурлаж шаналах хэрэг байхгүй. Шохоорхолоо үр дүн болгох л хүсэл . Бусад нь огт хэрэггүй. Үүрдийн дурлал гэж байхгүй, харин үүрдийн хайр гэж байдаг байх. Үүрд гэж сонин үг... Хязгааргүй гэдэгтэй адилхан... Хоосон гэдэгтэй ч ижилхэн юм шиг... Агуулга нь...  Нэг хүн надад " Чамайг ийм сонин сонин юм бичдэг гэж  би ерөөсөө бодоогүй, чи тэгж харагдахгүй байна" гэж хэлсэн. Миний дотор оршиж байдаг өөр нэг гаж, авцалдаагүй, логик гаргалгаа хийх дургүй  нэг гар надаар энэ өгүүлдбэрийг бичүүлж байгаа байх... Шал тэнэг гаргалгаа. Энэ авцалдаагүй өгүүлбэрүүдийг уншсан танд Кафкагийн доторх гаж этгээдийн зүгээс гүнээ баярлалаа...